4-Aug-2013
大忙人表姐好有心, 年年我生日都會抽時間請我吃飯.
身高五呢六吋的表姐, 食量比三歲小童還少, 認真易養. 商議下, 兩個怕肥的但又中左不瘦降的人決定今年唔食dinner, 去吃食tea buffet.
表姐任我揀去邊度食. 咁我當然要求助於港燦吔飯救星 – Openrice啦!!
原來要喺Openrice找一處心水地方吃tea buffet也不易, 皆因選擇多如繁星.
見到位於皇家大平洋酒店的Café on the Park, 評語都不錯, 再加上Openrice有coupon可用, 就一於試試呢間, 橫掂我未食過.
尖沙咀區的tea buffet, 我暫時只試過K11旁的Hyatt及位於北京道果間Langham Hotel(不是旺角果間姊妹酒店, 旺角果間的tea buffet是垃圾). 呢兩間的食物水準不錯. 另外九龍酒店的tea buffet就好多年前食過, 麻麻地咋.
皇家大平洋酒店位於中港城2樓. 酒店職員教我行入中港城, 再搭扶手電梯上2樓
又或者喺中港城旁邊果個酒店入口度入去搭電梯
電梯按2字
tea buffet可享用的時間是2小時, 即是由3:15pm-5:15pm. 我和表姐3:10pm上到去, 知客小姐請我們稍等一會, 但不到1分鐘她便吩咐其他同事帶我們進入餐廳
餐廳面積都幾大, 枱與枱之間不算密質質, 我坐張枱都幾近冷熱葷枱
先去巡視一下各張食物枱, 快手影幾張沙龍先.
這個巨無霸夠晒kawaii
本來想影冷盤枱先, 不過人山人海, 插針都唔入. 那麼就先影熱葷吧. 最左邊的是類似印度式炸雜菜, 中間的煙文肉撻都幾好食, 右手邊的攣攣薯條熱辣辣, 脆卜卜, 都好食
廣島燒
大pizza
同大家介紹我自細鍾意食既......燒雞翼. 我本來只係喺度猛咁影相, 廚師一見我, 便把剛燒好的雞翼放2隻在碟上硬塞給我, 服務態度超好. Anyway, 呢隻燒雞翼都好好食, 好juicy
熱葷枱仲有好多嘢食, 不過我廢事咁冇禮貌, 續個掩開來睇. 我記得既就有炒麵, ribs, 炒雜菜, 茄汁肉丸, 迷李熱狗, 脆皮腸, 印式咖哩雞等等.
熱葷枱左邊有一檔生滾粥檔, 仲有點心供應添. 我拿了一籠牛肚, 好好食. 另外好似仲有叉燒飽同一些餃之類, 唔記得了
粥的配料可以自由選擇. 有粟米, 生菜絲, 瘦肉同雞肉等等. 我冇食, 不過表姐話味道不錯
Beverage bar居然有思樂冰, 實在太可愛了. 味道分別是芒果味及草莓味. 芒果味甜左d, 要比較的話, 草莓好味d囉
汽水任飲
點會少得咖啡及茶. 咖啡不是用咖啡壺沖果種, 而是一部性能不錯的咖啡機, 不過我無影到
甜品陣容好鼎盛, 當中以西式為主, 中式陣營則有蛋白杏仁茶及楊枝金露
藍莓芝士蛋糕, 芒果布甸, 朱古力蛋糕(我只是憑外貌斷估架咋
草莓撻, crème brulee
chocolate fountain
個tiramisu咁快無左忽, 真是efficient
這個水果jelly好靚, 入面好似有一層荔枝咁
唔知係咩蛋糕
杏仁撻. 攞左一件食, 不過唔好食, 個杏仁餡好鞋又硬, 食左一啖放棄
brownies and........
好不容易等到魚生枱的人群散開
魚生款式有3款. 三文魚, 鱲魚及蟹棒
壽司都有好幾款
salad bar就真係少款左d, 我諗住有火箭菜食, 點知無喎
起勢搵smoked salmon食, 點知只係得夾左入麵包的sandwich, 中間果行就係. 我最後無夾到, 只係夾左最下面果行既蔬菜roll, 估佢唔到咁好味喎.
近住reception果頭有另一個甜品corner. 同前面提及的甜品枱是一頭一尾的
呢度可以食到一共有6款的Movepick雪糕, 不過係由相中呢位姐姐舀給你. 佢好孤寒, 我要了lime sorbert同焦糖合桃雪糕, 但俾得好少架咋, 二款夾埋都無一球
由於姐姐又要負責整waffle同pancake, 又要舀雪糕, 又要顧souffle, 後期有段時間有個哥哥仔來幫佢, 呢個哥哥仔就generous好多, 雪糕真係俾足一球
只有朱古力味梳乎里, 拎左一個同表姐share, 一人一啖就食完, 不過味道麻麻
附近仲有兩個雪櫃放滿牛奶公司的雪條及綿花杯, 有movenpick又點會吼牛奶公司呢?
好嘞! 介紹下我攞左乜東東食先. 第一碟食左魚生, 肉鬆冷豆腐, 蔬菜roll, 菠蘿提子沙律, 哈密瓜沙律
椰子雞湯好夠火候, 好好飲呀
順時針: 印式咖哩雞 - 好鞋, 食左半舊. ribs - 唔硬又入味喎! - 茄汁豬肉丸 - 金玉其外, 應改名做鐡蛋, 只係食左半粒. 迷李脆皮腸 - 正, 好彈牙, 唔係cheap嘢. 炆牛肚 - 一碟有3件, 炆得好淋, 好食! 炒雜菜- 本來唔想夾, 一來樣衰, 二來有我最憎的小唐菜
巳經飽到上心口. 抖左十幾分鐘再出動, 實在忍唔住呢個忌廉磨菇的香味, 又整半碗試下. 呢個湯真係好正, 菇味濃得來又不會太杰, 如果唔係咁飽, 一定要飲多碗.
飽到唔識郁, 但又唔可能放棄甜品啫. 夾硬都要拎幾款返埋位. 順時針起: 合桃撻 - no good!. 藍莓乳酪奶凍 - 唔錯, 酸酸地無咁漏. 芝士蛋糕 - OK. apple crumble - OK.
我都覺得自己係一個罪無可恕的折墜人, 所有甜品只係食左一啖就唔食, 下世投胎做饑民不得埋怨
輪到表姐去巡視甜品枱. 呢碟係佢攞既. 左面的是栗子蛋糕, 我食左少少中間的栗子餡, 我嫌唔夠栗子味. 右面果件是藍莓芝士蛋糕, 我好似冇食到, 老人家無記性, 唔記得了
差唔多食完先留意到枱面有呢張宣傳單張
呢餐多謝表姐
走果陣時就經餐廳另一個通往中港城的出口離開, 原來呢度有個小小的deli, 供應三文治及pastries之類
我又食又拎, 表姐去完泰國旅行, 送給我的禮物
註: Café on the Park的tea buffet我覺得唔錯喎, 食物選擇算多尤其是熱葷, 啱晒同埋家中長輩同來. 甜品真係好多款式, 甜魔不宜錯過, 餐廳補食物都好快至於總體食物水準我認為是不俗的, 絕對是"性價比"高. 當然有coupon就更美滿啦. 有機會都會番兜.
1 則留言:
呢餐都似一般lunch buffet 咁豐富噃
[版主回覆08/05/2013 20:00:03]真係幾多嘢食架, 不過如果係魚生粉絲的話, 或者會有少少失望.
張貼留言