2013生日飯第五擊@中環大喜屋

13-Aug-2013

 

呢一餐係屋企人慶祝我生日既, 咁一向媽咪都係做開舊曆, 所以年年同屋企人食果餐生日飯都會唔同日子.

 

舊年靚媽P生日, 去過一次尖沙咀果間大喜屋都唔錯.

 

我本來打算試銅鑼灣新開果間的大喜屋, 不過家姐話中環果間就腳d, 咁我都無所謂, 反正港島區兩間都未食過.

中環果間位於威靈頓街威靈頓廣場. 如果搭地鐵, 由雲咸街的Entertainment Building, 一路行上去, 大約1分鐘腳程.


6樓就係, 其實成棟大廈有好多層都係食肆


晚餐分2個時段. 我book左6:00pm-8:30pm果一輪. 餐廳面積比尖沙咀細, 但我覺得d位好似無咁迫.

我地8個人就獲安排坐卡位. 其實張卡位只可以坐六個人, 店方就額外拍多一張枱同兩張櫈去併夠俾8個人坐.


點餐紙大致上同尖吵咀果間差不多, 但係就些鍋物, 好似呢個場無供應


























我又係要飲芬達提子味汽水


上菜很快. 點餐紙俾左侍應唔夠5分鐘便有得食了. 最先上桌的是魚生


我地成家人都唔食羊, 除了老爸, 所以燒香草羊鞍是老爸點的. 但佢話好鞋喎
 

瀛風木耳. 呢個好好食, 酸酸甜甜, 清爽開胃. 之後再返點多2次添


焗廣島蠔. 呢個都好食, 我老爸食左5隻都有


汁煮東風螺. 咸到無朋友呀呢個


蝦天婦羅併蕃薯及南瓜天婦羅. 南瓜俾錯左茄子我地. 至於蕃蕃就炸得唔夠熟了, 要扣分. 蝦我就無食, 不能評分 


蟹籽沙律. 呢個唔掂, 無人吼! 蟹籽要用放大鏡至搵到


海胆手卷. OK喎, 係海胆少d啫


甜蝦, 正! 之後翻點N咁多次


牛油炒粟米. 上次在尖沙咀果間食過, 覺得好好味. 今次再點, 仍然係無準不變, 好味! 


刺身, 我地又見面啦. 不過唔係我點架, 係我老爸點的, 佢真是魚生狂人


燒牛脷, 好OK架, 之後我有再翻點


張紙寫黑椒牛柳粒, 其係係蒜片牛柳粒. 雖然細粒d, 但好好味架. 之後再點多2碟


我自細鍾意食既燒雞翼. 呢度就唔好食嘞! 同尖沙咀果間一樣, 無厘聞味


炒雜菜, 我都唔得閒夾


鹽燒鯖魚, 唔錯, 一d都唔腥, 魚肉仲好滑


黃金魷魚軍艦卷, 細佬叫既


鹽燒海蝦, 普通啦, 燒得過火左少少


又係大蠢人細佬點既, 食飯? 飽唔飽d呀?  左面果款係火炙三文魚醬油漬壽司, 右邊果件係柚子胡椒油甘魚火炙壽司


雪花肥牛鍋, 我有影相, 不過無食. no comment


冷稻庭烏冬. 無牙細佬嫌佢韌, 我就覺得OK, 因為本人鍾意食煙韌的食物


炸芝士年糕, 吉列墨魚餅及魅脆淮山. 呢d炸物好鬼油膩. 個炸芝士食到我想嘔


日式煮青口. 我無食到


燒五花腩. 燒得過熟了


呢版係因為我生日, 所以送俾我地架. 只要有6個人以上便送


多春魚我唔係唔食, 不過有得揀, 我就唔會食佢囉, 呵呵


燒雞軟骨, 我都無食


甜品係牛奶公司綿花杯. 一共有3隻味, 但我揀左朱古力味.


8位埋單$1,919. 最攪笑係我父母, 而家同親佢地出去食飯(尤其是放題之類), 成日問人地有冇老人優惠!!!