2013年9月24日 星期二

鮮奶椰皇燉蛋白



17-Sept-2013






兩個月前在包神
莎莉豪blog內看到這個食譜, 幾乎一聲叫出來!  完全無諗過係咁易整既.  以前在中環上班, 有一間叫金御的酒樓就有這道甜品賣, 佢d點心麻麻, 唯獨呢個甜品做得好好. 不過唔係每次去金御飲茶都會點鮮奶椰皇燉蛋白, 事關當年(5, 6年前)都賣成$38盅架.  果陣時食過飯盒都唔駛$38啦!



 



點解等成兩個月至出手? 係因為椰皇並唔係好似買橙咁, 週圍有得賣.  早年每逄經過花園街, 在賣生果果一區, 好鍾意買返個冰凍現開椰皇水飲下, 揀直係透心涼呀, 好記得係$5, 不過椰皇體積嬌小, 真係幾啖就KO左佢.



 



個多月前在菜檔見有椰皇賣, 但要$10, 心諗, 真係物價飛升(定係我買米唔知貴), d無雪凍, 又唔係會幫你開埋既椰皇都要賣$10!



 



之後又在屋苑間百佳見到有椰皇賣, ! 仲貴, $12.9一個.  梗係要諗諗先啦.





到我幾乎忘記了想整呢道甜品時, 個天好似會提醒我咁...........昨天搭巴士時, 巴士在紅燈前停下, 好在坐上層, 俾我見到佳寶放左一堆椰皇近窗邊.,於是落車入去八下. ! $103? 好抵喎, 即刻買左3個返屋企做實驗.




材料 (3個燉椰皇的份量)

























材料



份量



椰皇水



180



鮮奶



180



蛋白



105





30









在椰皇底部, 距離約1吋的地方, 用刀角劏開, 大約劏開一半, 便可以用手擘開. 另外, 椰皇頂部, 亦即是尖果面, 可以削平少少, 那麼便容易坐在碗內



第一個椰皇劏開, 水有165克



第二個係181克, 第三個係155克. 所以一共有椰皇水501克. 點解要續個量重係因為咁樣先知道每個椰皇的容量嘛


糖加入椰皇水內, 小火加熱至糖溶


蛋白和鮮奶混合


把煮溶糖水加入鮮奶內, 攪勻



然後過篩入椰皇殼內



燒滾一鍋水, 放入巳蓋上錫紙的椰皇. 以中大火蒸20分鐘



完成










註: 可能我的煮食爐火力不平均. 當中只有我用來拍照的椰皇凝固得最好.  其餘兩個都水水的, 有可能是蛋白份量不夠. 另外, 我覺得淡左d, 要再試過比例.  由於只取了180克椰皇水, 還剩下321克在雪櫃, 可以再調節各項材料的比例, 由於個椰皇俾我地刮晒d肉, 巳經掉左啦, 只可以用碗仔燉 




沒有留言: