2013年9月6日 星期五

“慢”遊老撾 ~ Day 25

 
 
 23-Mar-2013 (Sat)

 



(是日行程: 呆在Pakse巿)



 



由於去唔成騎大象, 呢兩日都要滯留Pakse這個小巿鎮.

7:30am就落左去旅館斜對面, 有點名氣的"明記麵家"食鴨肉湯麵.


顧麵檔的女士, 一看便知是中國人. 我坐好後, 店內的本地女侍應遞給我一張menu, 問我要吃甚麼. menu有中文及英文, 但當我問甚麼是"黃麵"時, 女侍應因不懂英文, 所以答不出. 我見和她溝通上有問題, 便走去問麵檔的女士會不會說中文(國語), 她說會. 於是便直接跟她落order, 與及要求熱咖啡少甜. 自離開Luang Prabang, 都有成十幾日無機會中文了.



落左order就在店內隨意拍照.

店面陳設裝潢雖舊, 但很乾淨


店內掛有一張日文雜誌介紹的剪報, 我見相中人有點眼熟, 應該是顧麵檔的女士. 原來她是台灣人, 在老撾出生的第二代移民. 我真係唔係好明白, 台灣富庶咁多, 點解要移民來這個過去曾經歷戰火多年的貧窮國家.


燒鴨最出名, 但其實都有雞食既, 不過賣相就.....



相中那些一樽樽, 一瓶瓶的醬料本身巳在桌子上. 那碟辣椒及青檸就係一坐低便會奉上. 雖說是中式麵店, 但用辣椒送麵呢家嘢, 可算是被當地無辣不歡的飲食習慣同化了


我點的是鴨肉黃麵(15,000K). 黃麵即係蛋麵咁解. 一碗入面有3件鴨drumstick, 味道不錯, 肉很入味又夠淋. 不過略嫌細碗左d囉


這些就是生的蛋麵, 麵質吃起不彈牙, 可能呢度唔興落梘水整麵條


熱咖啡(3,000K). 雖然好平, 但味道太酸及太濃了, 不合我口味. 唔知係咪我吩咐少甜的關係呢, 我只係飲左半杯到咋


又見到這些家家必備的辣椒膏. 我問老板娘喺邊度可以買到. 佢話原來無得賣架, 要自己整. 我向她請教那裡買材料及做法, 她非常好人, 把做法教了我.


Pakse雖然好多人話佢"細", 因為它的巿中心就是集中在13號公路的某一段. 其實佢都仲有好幾條街可以讓遊客explore一下既, 咁當然唔算話有乜嘢咁特式, 志在kill time.

來到Pakse幾天, 我一直在尋找張佳樺在書中介紹的NangNoi Guesthouse.  作者話GH位置是在舊巿場的某一條小巷, 事實上不然, 難怪我搵了幾天都搵唔到. 反而放棄尋找, 在街上亂咁逛反而無心插柳之下俾我遇見. 

NangNoi Guesthouse的正確地址是在第5街 (Th 5), 作者講得啱的地方, 就係呢間新的旅館外觀睇落很舒適, 唯地點難找, 無錯, 初來步到的話, 係一定搵唔到的.  事關Pakse的街是用號碼排列, 但並無章法可言. 好難先至搵到條街既"冧把".


NangNoi Guesthouse的房價表貼在大門外. 冷氣房要200,000K一晚, 咁咪仲貴過我仲果間地點尚佳既Alissa Guesthouse




我把NangNoi Guesthouse的正確位置點了出來, 紫色圈住的便是


就算你有地址喺手, 想搵舖頭都唔係易, 首先唔係間間舖都好似香港咁有商舖編號. 唔識睇當地文字的話, 又點知下圖果個牌, 究竟上面個號碼係街名定係舖頭編號呢?


Th 5附近是Th 46. Lonely Planet話呢度有好多道地餐廳, 小食店之類. 食物選擇多樣化


又真係幾熱鬧喎, 連餅店都有. 麵包, 蛋糕, 曲奇款式算新潮


 我見好多舖頭其實都係食湯粉既居多, 而家11:00am都未夠, 但好多舖都好似半休息狀態咁





呢檔由越南人主理的店賣好多款的菜式. 不過我見好多烏蠅巳經食先, 都唔敢買來試


Pakse咁多中國移民, 中醫點少得.


經過這間Panda Restaurant時, 有一名老外在門外喝咖啡. 佢見我行過就撩我傾計. 老外是退休美國人, 退休後移居柬埔寨, 但在泰國都有房子. 老外自己開一架好型的電單車, 由柬埔寨駛過來(其實一路都遇到好多外國人, 佢地係買一架電單車, 跟住週圍去, 穿梭緬甸, 老撾, 柬埔寨, 泰國及越南. 他們真是瀟灑, 我只有羨慕的份兒)

老外問我要不要騎上他的電單車一齊玩. 嘩! 咪攪我, 我又唔識得佢. 於是藉詞內急鬆人.  老外話Panda Restaurant是由一名上海移民開設的, 我估老闆應該懂說中文.


不過佢賣既食物全都是為遷就老外而設. 我想食上海粗炒, 毛蟹炒年糕....佢應該都無


Dao Vieng Hotel 2位置不錯, 在13號公路和Th 35交界.  我見佢外觀不錯便入去問下價錢及要求睇房, 不過reception話而家客滿, 所以無房睇.


早幾日出發去Si Phan Don時, 坐車經過, 見到一間好大的supermarket, 叫Friendship Supermarket. 於是便把位置牢記在心中, 打算返回Pakse時便去逛下.


取道Th38前往, 橫掂未行過呢條咁長既街.  沿路有頗多寫上越南文字的餐廳, 估計呢區多越南人住. 行行下見到一檔燒雞, 真係成個trip都未見過


賣相其實唔差架, 起碼放喺個保溫玻璃箱入面保存, 應該會比較衛生先吖


想幫趁, 不過企左一陣都唔見有人看檔, 唯有作罷


原來呢條Th38咁長, 足足行左半個鐘至到目的地. 心中滿是期待, 我最鍾逛超巿同街巿


太攪笑了. 居然有裝假狗的內褲賣. 香港現代化咁多, 我都未見過超巿賣假狗under.


老撾滿街流浪狗, 街巿又見過賣狗畀人食, 所以我一路以為狗命在老撾很賤. 估不到這兒有狗糧及狗狗清潔用品賣, 我諗對象可能是在此工作的外國人



狗仔衫都有


呢個火炙兩吃的鍋, 加多左個金屬鍋喺底就賣95,000K, 好貴!


老撾除了出產優質咖啡之外, 都有產茶, 不過唔知品質如何


呢pack烏龍茶賣100,000K, 好貴喎


這個超巿大部份都是進口貨, 想搵老撾本土出產的食材不是咁易. 我只在這裡買了幾包老撾咖啡粉做手信, 貪佢夠輕.

逛畢超巿, 在附近遊蕩.

拍烏蠅的魯胖子飯店, 坐在店面, 穿白色汗衫的, 你就是魯胖子嗎?


另一間中醫診所


照片拍不出這個建築物是可等的宏偉. 我見佢正在施工, 所以好奇, 行入去八下. 睇這座建設的格局似翻新多過是新蓋的


我懷疑呢頭有很濃厚法國歷史, 因為零零舍舍呢度附近既建築物同小巷都充斥著上世紀的法式情懷, 跟巿區, 即係13號公路果邊的面貌, 有好大分別. 喜歡建築的朋友, 相信會在此留下腳毛

Pakse應該幾多有錢人住喺度. 呢間 Wuttisak Clinic係專做美容架, 連laser facial服務都有


Clinic好巴閉, 由韓國男子組合賣廣告, 不過我不是哈韓族, 所以認不出這幾位帥哥是誰


行到1點幾鐘, 好熱呀, 中午的太陽是何等的歹毒呢 要坐低休息下啦, 唔係實中暑.

Delta Coffee是當地其中一個大牌子咖啡. 她在Pakse擁有一家餐廳供應意大利及泰式食物. Lonely Planet尤其推介她的lagsana, pizza同pasta.


餐廳裝修都幾骨子架


室內僻了一角賣自家巳炒好的咖啡豆


及ground coffee, 仲有特式紀念品賣


Iced Coffee, 10,000K. 在menu入面最便宜的飲品, 超級好飲呀.


Gnocchi with tomato sauce, 25,000K.  我很喜歡吃gnocchi, 不過香港的意式餐廳唔係間間都供應, 再者有的話, 都要收你百幾蚊碟喎.  這道菜是酸了一點, 但可接受




食食下, 有兩個唔望佢唔得既人行左入來, 兩位是唔知講乜嘢語言既濃妝艷抹女子, 打扮完全不似遊客. 佢地以為自己好靚, 其實似彊屍, 喺老撾二十幾日都未見過咁濃妝既人. 我詐諦影後面個board, 其實係想影呢件怪物, 夜晚撞到佢一定心臟病發


食飽就去法國橋(French Bridge)果邊逛下. 位置就在下圖的左上方, 淺綠色字


Shiseido的對面就是French Bridge


French Bridge係一條粉綠色, 起喺Mekong River上面的鐡吊橋, 兩旁是供路人行的, 而中間的車行的. 過橋不用收費


其實所有旅遊書都無介紹過, 過左法國橋之後有乜嘢睇, maybe太無看頭吧, 所以連Lonely Planet咁詳盡既旅遊寶典都無資料.  不如就等我做part time旅遊記者吧

過左橋, 風光有點不一樣. 這裡的悠閒氣氛更濃烈. 一過左橋就見到呢棟荒廢左既豪宅,  十幾個房間都有. 對住條河既位置極佳, 不知為何巳沒有人住.  請"怪談'攝制隊過來睇下有冇靈異現象先


呢棵芒果樹好大棵. 我影得不清楚, 其實成棵樹掛滿青色的芒果


唔知咩廟


咦! 呢度都有一個去Vientiane的巴士站既? 咁同Tourist Information Centre隔離果個巴士站有咩分別呢?


so far, 我發現到既分別, 就係呢架巴士殘到無朋友囉, 你睇車尾個窗爛到咁. 去Vientiane的全部是sleeping bus來的, 車程是18小時好鬼甘架. 呢架個後座個窗爛成咁, 點瞓呀. 我在Tourist Information Centre隔離果個巴士站, 見到d巴士係光鮮亮麗好多架



Anyway, 成個所謂巴士站只係泊左一架巴士啫, 有可能呢個巴士站巳廢左武功都未定. 呢個巴士站行入少少有個叫Mysai Market的菜巿場, 咁我作為港產街巿婆又點可以唔去報到呢?


而家5:00pm, 我見好多商販巳經在收檔了, 所以我見到既嘢就無乜特別嘞


是南薑定黃薑呢? 好想買


街巿的週邊有些商店, 大部份都是賣一些雜貨, 日用品之類. 呢間寫住"中國店"的當然是中國人開啦, 我見店員都是中國人口面, 他們一直望住我.


店員很好奇, 我為何會為這架泊在店外車子的拍照. 我就是覺得佢得意囉, 又唔似tuk tuk車又唔似電單車咁, 我真係未見過架


行到呢度好似覺得前面應該都無乜嘢睇. 呢頭主要係一些民居, 連餐廳都不多.  突然刮起一陣好大好強的風. 死! 我無拎遮, 都是三十六著, 走為上著.

回程我行另一邊, 見到有些餐廳我又忍不住拍照. 這些五顏六色的蛋糕好得意, 不過點解蛋糕咁多cream都唔駛冷藏保鮮既?


仲有賣咸鴨蛋




沒有留言: