2013年9月5日 星期四

“慢”遊老撾 ~ Day 24

 

 
 
 
 
 
22-Mar-2013 (Fri)



 



(是日行程: Pakse -> Wat Phu Champasak)



 



今天 - 2013年3月22日, 是小女子人生中跑速可媲美獵豹......以及.......最爛口的一天@#$%^&*


在Day 19那篇遊記, 我巳提過, 當天的行程是編排了去Dao Heung Market, 搭乘在那裡發車的雙條車前往Wat Phu. 由於司機洒我, 要我呆等左差不多一粒鐘都唔開車, 於我是嬲起上來, 火遮眼就跳車, 等佢連唯一一個搭客都無埋

來到Pakse的遊客, 十個有十個除了會去Si Phan Don過hea爆生活之外, 都會好似我咁扮有文化氣息, 撥出一天, 前往和Pakse實際相距46km, 始建於公元5世紀的Wat Phu.


Wat Phu Champasack於2001年被聯合國教科文組織評定為文化遺產, 又稱小吳哥. 因為呢個朵咁響, 所以一場來到南部, 真是不可錯過.

老撾的交通狀況瞬息萬變, 就算你多努力爬文, 刨書都有意想不到的事會降臨閣下身上. 我手上的三本旅遊書都有提及從Pakse前往Wat Phu的交通路徑.  由於張佳樺的書及周蓉蓉的書都是教人騎電單車前往, 並不適合我這個甚麼也不會的大笨蛋. 相對上Lonely Planet有稍為清楚及詳細內容教人如何前往Wat Phu. 因此, 這個交通安排, 我是根據Lonely Planet資料, 自行前往Dao Heung Market搭雙條車去Wat Phu.

雖然搭雙條車連一程船只是20,000K, 但真係怕左那些沒有timetable的雙條車, 唯有死死氣跟旅館買往返Wat Phu的車票. 來了南部幾天, 巳理解到這裡的人很難溝通, 如果想玩得安心又放心真的要不恥下問.  我買票果陣巳經很小心, 問了旅館職員很多問題, 例如最重要的"回程安排". 我回程該到那裡搭船? 在那裡等車返回Pakse?

我都好surprised旅館職員好多嘢都唔知, 因為無可能只有我一個旅客會問怎樣去Wat Phu卦? 但他都很好人(至少比旅館老板娘好很多, 她不大願意幫住客解決交通問題, 只管收$$$), 肯幫我打電話去旅行社問多些資料. 事實上, 旅館只是替旅行社代售車票, 旅客途中遇到有乜問題, 係需要打電話向旅行社職員求助的.  我當然要求取得旅行社職員的名字及手提電話號碼, 好讓我發生甚麼事也有求助方向.

旅館職員寫低了旅行社負責人Mr Deth的聯絡電話給我, 就在receipt的右下角.

我買的票, 去果程55,000K是因為包了一程船, 而回程只係50,000K 的原因是因為不包船費, 要我自己找船搭回Ban Muang.  這樣的安排著實令人費解. 另外, 我同旅館職員講, 我打算半天遊Wat Phu, 並不知道應該是那個時間讓車子把我接回Pakse, 咁旅行社就提議1:00pm. 



車子今天應該
8:00am會來旅館pick up 我, 當然佢地為左兜客又係遲到.  司機就是昨天搭Ban Nakasang返回Pakse那台旅遊巴的"助理".  點解佢得一隻眼都可以做職業司機既?  這位仁兄開車仲要非常之快, 好似賽車咁.


Lonely Planet有提到, 現今有一條新蓋公路直達Champasak小鎮, 那麼路程便會由46km縮減至28km, 到了Champasak小鎮後, 再轉搭tuk tuk車便可到達相距僅10km的Wat Phu.  但係旅行社的車行唔行呢條新路就無人可以未卜先知. 我一路以為旅行社會行新公路, 但事實上唔係.

我都是完成旅程後才組織到, 司機原來是行舊路.  舊路是甚意思? 以前未起好那條新公路時, 遊客必須坐車到Ban Muang村, 而後轉渡船過對面的Ban Phaphin村. 然後再在Ban Phaphin找tuk tuk車取道Champasak小鎮前往Wat Phu (紫色箭咀便是舊路路徑)



司機大約9:10am, 在這家士多門前停下. 叫去Champasak的人下車, 所以我估巳經到左Ban Muang. 成架車, 連埋我, 還有另一對外籍couple是去Champasak的.  該對couple拿著重重的背包, 所以我相信他們會在Champasak小鎮落腳.  只有我一個人是去Wat Phu.  我一路都以為好多人去Wat Phu, 但實際上唔係囉!

司機走入士多, 俾左一大疊錢士多入一面一個女人, 我猜是船費.  咁我問司機去邊度搭船, 佢話喺呢度等, 陣間士多入面既人會帶我地去搭船. 咁我當然唔會畀司機咁快走, 我問佢陣間我回程, 喺邊度等車接我, 咁佢又話係呢度.  在老撾, 尤其是南部, 你唔想流落異鄉的話, 有乜問題一定要問得清清楚楚, 因為佢地係唔會主動同個客講解的.



其實渡口就在士多旁邊呢條泥路直行便見到


這便是渡口. 根據周蓉蓉的書. 碼頭有分左及右. 左邊渡口載人, 右邊渡口載車. 但現場所見, 係唔止左及右兩個渡口, 應該有3個.

我以為只係好似之前的旅程咁, 每次需要搭船, 根本唔需要等好耐. 點知等左一個鐘都無人理. 我真係好急, 因為我必須1:00pm回到這裡等車接我返回Pakse. 士多條死八婆, 錢就識收, 但就唔理你. 我不斷咁煩佢, 初頭佢都愛理不理, 我亦無乎, 只能用廣東粗口駡她祖宗十八代. 

佢後來迴光反照轉死性, 行出來, 指住一個方向叫我地行去渡口那裡, 真係懶到出汁, 連帶去都費事. 於是我便和那對外籍couple行去渡口搭船.


航程只需約10分鐘便到對岸Ban Phaphin村. 和外籍couple道別後便各自尋找交通前往目的地. 呢條Ban Phaphin村鬼影都無一隻, 唔好講話想要tuk tuk車. 之後有一架tuk tuk車駛過來, 開價80,000K, 仲要無價講, 真是好過去搶.

後來外籍couple找到另一台tuk tuk車, 咁那位女朋友便想到不如我們share一輛tuk tuk車, 車子先在Champasak小鎮放下他們, 讓他們找落腳處, 之後再搭同一架tuk tuk一起前往Wat Phu,  我也忘了couple付多少, 總之我來回是65,000K.

tuk tuk車司機的英文很好, 他把我們載到Champasak小鎮之後, 叫我在車上等. 司機介紹couple入住他家人打理的民宿. 咁couple睇過房之後都ok, 便回來取行李及上房. 這裡又花了一點時間, 我的心又更急了.  couple反回車上, 大家聊了一陣子. 世界很細少, 那個女的是居於和成長於香港的英國人, 不過她不會廣東話, 但就好明白香港人性急的特性. 原來她和我一樣不會騎單車呢!

8:00am出門口, 但結果要11:15am才來到Wat Phu, 基本上我只有45分鐘的參觀時間, 因為我約好tuk tuk 車司機12:00nn回來Wat Phu大門口接我.  若果不是要等船等咁耐的話, 我原先應該有多點時間欣賞Wat Phu, 但而家被迫攪成咁我真係好嬲好激氣! 雖然我好嬲士多個女人, 但旅行社職員都有責任話俾我知, 船唔係開得咁密, 無理由suggest我1:00pm回程. Couple問我點解唔打電話俾旅行社, 叫佢地遲d來接我. 但我諗, 要是佢地一天只有一班車經過Ban Muang, 咁我咪大鑊? 同埋, 佢地d人, 話識英文, 但一同佢地講電話, 就完全唔明白你講乜, 真是雞同鴨講. 為免壞事, 都係唔改接受時間好過改.

買過門票(30,000K)之後我便進入喪跑狀態.




離開蓋得好新好靚而我又無時間影的售票處, 見到對面是博物館. 從網友那裡得知, 這個博物館很值得參觀, 但我實在無時間. 跑跑跑.....


跟住見到右手面有一個大池塘, 我見好多遊客都係沿住呢個池塘向前行, 咁我就跟啦....跑跑跑


呢度雖然話範圍細個柬埔寨的大吳哥好多啫, 但都係好大家嘛. 而主要古蹟羣, 要行過這條"咸濕"小徑先.....跑跑跑


其實南及北殿現正在施工整修








由於而家係旱季, 所以景色不太漂亮, 但我見有些網友是雨季來的, 這裡週圍綠草如茵, 風景美不勝收









其實從這條階梯行上去, 可以到達神廟的大殿, 那裡有更值得看的遺跡. 但我實在沒有時間再上去睇, 因為我又要喪跑返回大門口等司機.






整體而言, 這裡的古蹟冧得就冧, 觀賞價值比前年去越南的"美山"那個"小吳哥"低, 越南那個的建築群保存得好很多.


正在喪跑時, 居然給我遇到之前在Konglor Cave一齊玩的德國男, 大家都很開心. 我問佢點來? 佢話自己開電單車, 如果我早一天遇上他就好啦, 起碼可以和他一起來嘛, 唔駛受氣受成咁.  可惜我要趕車, 和他約了今晚一起食飯, 他說就在巿區街角的餐廳等.

還好一到門口便見到tuk tuk車司機在等我, 舒了一口氣. 不過Wat Phu距離Ban Phaphin的車程都差不多要25分鐘架.  12:30pm去到渡口, 也不理價錢便跳上船, 叫船伕開船. 咁船伕見我急到屎淋尿瀨咁既樣都無坐地起價, 收我20,000K包晒成隻船.


呢d船同頭先坐過來的不同, 呢一種船既功能係載車架, 所以係無坐位的. 咁我就一路企響船頭. 呢張相就係我一手扶住欄杆, 一隻手單手影的, 都幾危險架.




到我上左岸, 即是Ban Muang村, 先至發覺唔係頭先上船果個渡口, 我搵唔返果間士多, 好鬼驚. 呢度條條路都一樣又無指示牌. 我又再覺得好忟, 自己同自己爆粗洩忿. 唔夠冷靜解決唔到事情, 唯有自己又再喪跑去搵返果間士多啦. 幸好, 終於給我搵到. 我那時巳累得不似人形, 立即打電話給旅行社職員Mr Deth, 提他記得搵人接我.

我覺得自己就黎死, 頭暈眼花兼缺水, 快快買罐可樂自隊(6,000K), 唔駛5分鐘飲晒.

我以為黑仔事告終. 點知等司機等左40分鐘都未見. 又再打畀 Mr Deth催, 佢一味話就來, 叫我等. 咁結果再等多5分鐘車子便來到接我. 

補充: 話說我第一天到達Pakse, 在old market閒逛時, 有個tuk tuk車司機拿著一張過左膠, 關於Wat Phu的簡介向我招攬生意. 佢初頭索價300,000K包來回及等待. 我後尾話太貴, 咁佢自動降價至250,000K. 不過我都係嫌貴. 事關當時我仍未知原來自行前往Wat Phu會咁複雜及耗時. 如果閣下是有旅伴的話, 不防考慮坐tuk tuk車去Wat Phu. 我為了省旅費, 結果最後所花金錢的不比自己charter一架tuk tuk車平. 去Wat Phu的交通費共花了: (55,000K + 50,000K + 65,000K + 20,000K = 190,000K). 還有, Wat Phu非常炎熱, 請預備足夠飲料)

回到旅館梳洗及回一回氣, 大約4:00pm又去我的favourite shop外賣至愛的炭燒凍咖啡



7,000K一大袋的炭燒凍咖啡, 包你飲足幾粒鐘


之後趁Tourist Information Centre未關門便去問下果日同佢傾過計的男職員, Kiet Ngong Village的兩天一夜騎象團攪唔攪得成. 結果係攪唔成. 變成我無地方去, 迫住要逗留在Pakse多兩天. 本來仲可以去Paksong, Sekong那邊玩既, 張佳樺的書都有介紹(只限於以騎電單車前往的方法). 不過我之前完全無plan過去呢度既行程及交通安排, 而我又訂左25號去Bolaven Plateau作farm stay, 我唔想冒險攪咁多unknown既嘢.


之後去買26號返回Ubon Ratchathani的火車票. 我見Pakse巿區大部份旅行社都係代理這間Pakse Travel & Air Service所售的車票, 我便索性前往總店自行購買.
P3261892

以陸路離開Pakse, 進入泰國境, 很多旅客都會這樣走: 從Pakse坐車到和泰國接壤的Vang Tao, 然後步行過關到泰國的關口Chong Mak. 再由Chong Mak搭車前往Ubon Ratchathani搭火車回到Bangkok.


旅行社共提供6個options給旅客前往Bangkok.


我揀左Option 4 - 搭頭等火車返回Bangkok, 成世人未試過瞓火車, 好想試下. 下格床平d, 但我寧願俾多d錢瞓下格床, 因為可以睇住自己件行李嘛. 下格床要580,000K. 我都無乜kip, 所以畀美金, 折算是USD74.


580,000K等如HK$580. 其實自行在Ubon Ratchathani火車站買頭等火車票平好多, 只需要HK$328, 但就唔包去到有無頭等瞓囉.

我幫趁買呢個package, 包tuk tuk車接送往車站搭mini bus前往關口Vang Tao. 跟住喺Vang Tao會有一名職員帶我地過關, 咁過左泰國關口旳Chong Mak, 又有私家車直接車去Ubon Ratchathani火車站, 絕對是一條龍服務, 唔駛煩.


約左德國男喺呢間Daolin Restaurant食晚飯


我點了燒香辣腸配糯米飯(25,000K). 屋然一條菜都無, 真孤寒.  d腸都幾好味, 不過就咸左d啦.  德國男明天去Si Phan Don. 咁我去完就同佢分享一些感受及有用資料.






沒有留言: