2013年9月23日 星期一

大姐I生日飯局@春夏秋冬火鍋



13-Sept-2013






一年容易又生日.  大姐I是我們一夥惡女之中最抵得諗既, 年年的生日飯局都係佢著手去做聯絡及訂座, 服侍週到.



 



大忙人G少唔得閒出席, 幸好君君媽的女兒小君君願意陪我地呢班老餅食飯.  精乖伶俐的小君君原來喜歡烚下烚下”,
 
咁我地呢餐就一於去火鍋啦.



 

本想訂鵝鵛橋果間小肥牛, 不過巳經滿座,
唯有退而求其次, 訂佢樓下果間春夏秋冬火鍋啦.


春夏秋冬火鍋位於2樓, 不過裝潢比較殘舊(尤其是同樓上小肥牛比較)同埋好迫夾.  雖然咁迫, 但佢地都好似小肥牛咁整返個魚生counter.


先揀湯底. 我地偏向大路的湯底, 所以揀左個鴛鴦湯鍋, $50



先來一jar酸梅湯, $30. 睇返張單先知係來自不知名的"潤康堂". 都算幾好飲, 起碼唔會超甜, 但唔夠7尾月去南燒北鍋時飲的好味及濃味.


氹小朋友必備的脆皮芝士腸, $28碟. 之後又再追加一碟. 我只係食左一條, 呢度d脆皮芝士腸又唔錯喎


貪平, 叫碟$10雞的牛肉試下. 不錯丫, 之後又encore叫多碟


朋友生日無理由咁cheap, 剩係叫d$10蚊碟既牛肉. 呢碟係大的薄切西冷, $108. 幾好喎, 唔太肥膩, 品質當然又比上面果碟好啦 


這個餃子拼盆叫做"餃餃鎮", $55. 包括有韮菜豬肉餃, 魚皮餃, 鮮蝦雲吞同水餃. 最好味係韮菜豬肉餃, 之後仲食過翻尋味添!


呢個四寶丸$55, 當中只有牛丸較為好味


樣衰的超甜粟, 但真係好甜. $15碟


見到隔離枱麻甩佬點左個插到好似花樽咁既雜菜盆, 全名叫"健康雜菜盆", 我地又叫一個. 入面有皇帝菜, 白菜, 唐生菜$38


炸芋頭是君君媽的指定動作, $15. 芋頭好靚, 廚房走油得夠乾身, 而芋頭本身又夠粉糯


突然醒起無影個湯鍋添. 想講既係, 個沙爹湯底勁古怪, 酸既! 唔知落左d乜落去溝到淡晒


鱔片, $65. 一食入口就知唔係今日劏的. 鱔魚肉好得意, 新鮮是好彈牙, 一到第二日就彈性全消


呢堆波波叫台灣白魚蛋, $28碟. 腥到暈!


台灣芝士豆腐, $38. 從來未見過, 估唔到咁好食喎, 各人讚好


出前一丁, $25兩個, 真係賺死佢. 不過我地最後食唔落, 叫小君君帶回家慢慢enjoy


鮮冬菇, $25


$10雞肥牛又出場喇, 頭先果碟有5塊, 但呢碟得4塊既?


encore的韮菜豬肉餃. 韮菜很多, 正!


大姐I的青島黑啤, $15. 我真係"背", 原來青島有出黑啤, 我都係第一次見咋


仲有好幾碟都無影到相, 好似鮮枝竹$28, 金菇$25同芥蘭苗$38都無入鏡呀. 芥蘭苗甜, 攪到我第二日去街巿係咁搵來買, 街巿梗係平好多啦, $12斤咋!

連貼士, 5個人食左$935. 其實算好抵食.

可惜呢度迫夾, 又嘈, 湯底又麻麻, 我都係覺得樓上小肥牛好食d, 5個人又有房坐, 不另收minimum charge, 食物價錢又差不多, 梗係去d坐得舒服既地方啦.




2 則留言:

ling ling - O尾豬 提到...

幾時同我去小肥牛唧 ?
[版主回覆09/24/2013 16:42:40]幾時都得啦, 你快d俾個期我

ling ling - O尾豬 提到...

妳仲未搬屋呀 ? 咁淡定, 瑪姬搬咗成個禮拜都無聲氣, 後來要send e-mail過去先開始搬, 妳都唔好拖咁耐喇.